Pouco pasa na cidade os días previos ó verán. O bialcalde pasa os días respondendo á oposición as
tontunas que se lles ocorren, e como a oposición acaba de sair do goberno, como quen di, pois ten por onde respostar. Ideas orixinais
non ten moitas Caballero, porque nestes tempos xa non queda ben contar as grandes obras que se teñen gardadas no caixón. Quizá sería o momento de se deixar ver polas obras, de dar mans e de prometer bancos de sentarse e parques infantís polas esquinas, de explicar os recortes e botarlle as culpas ós demáis, de facerse a vítima cando os movementos veciñais lle berren a un e contar os postos de traballo que van lograr se lle deixan facer o Moneo.
A oposición, pola súa parte, ten máis capacidade de aguante a longo prazo, é capaz de sacar a un feixe de plataformas de eternamente afectados, de sacar
pancartas, de repetir ata a extenuación o mesmo discurso do viguismo, dos malfeitores obsesionados e das "
persoas normais". Esa
capacidade de mobilización non a ten ningunha outra institución de Galiza, porque ese discurso breve e machacante é moi consolador. Como dicía aquel "
que o faga outro".
E o Bng, pois como o Atlético de Madrid de Luís Aragonés, a velas vir, agochado no seu campo, ben ordeado atrás e á espera de ver algún oco polo que sair disparado a meter algún goliño co que equilibrar o partido. O resto do tempo,
a cousa non vai con eles. Teñen a súa leira e mentras non se lle metan dentro, non teñen opinión, o que é de agradecer nestes tempos.
E así todos ata setembro.
