probe elena

Malos tempos para Elena González, a presidenta da Federación de Asociacións Veciñais. Por moito que agora, con dez meses de retraso, lamente a política lingüística da Xunta de Galicia e que se empeñe en facer ver que non lle gusta que se pechen os centros sanitarios de Cíes, Rebullón, a Doblada e Coia, xa non é crible. Ninguén cre que agora teña caído do cabalo, cando non ten opinión respecto ós recheos que Corina Porro pretende facer no Areal, nin respecto ó centro comercial no porto, cando cala mentras a Universidade de Vigo suplícalle a Feijoo que cre un centro de investigación na ETEA, cando a depuradora segue sen arrancar co gallo dun absurdo desencontro político, cando roban o carril bici ata Nigrán sen informar sequera ós concelos implicados, pero enchendo de carteis a carreteira (máis de un por quilómetro), cando non denuncia o expolio de Alfageme, nin a burla ás mulleres traballadoras ou a ausencia de actividade cultural do Xacobeo en Vigo, cando non opina da burla da fusión das caixas so defendida por un estudo que está prohibido consultar, cando esquece a área metropolitana e a ausencia de axudas prometidas á automoción ou Peinador que tanto lle preocupara en tempos.

Eso sí, outras preocupacións, como amueblar as cociñas dos pisos de protección oficial concedidos en Navia, quizás a teñan tido máis ocupada do que se espera dunha representante dun movemento histórico.